Reseılik «neKARAte» ıýtýb-arnasynyń avtory birinshi jartylaı orta salmaq dárejesinde topqa túsip júrgen otandasymyz Batyr Júkembaev pen ózbek oǵlany Shohjahon Ergashev sharshy alańda kezdesse kimniń jeńiske jetetini týraly boljam jasady, dep habarlaıdy Egemen.kz sports.kz-ke silteme jasap.
«Bul eki boksshy sharshy alańda kezdesse, Batyr Júkembaev qarsylasynan aılasyn asyrady dep oılaımyn. Buryn Ergashev myqty degen pikirde edim. Alaıda biraz ýaqyt ótse de Ergashev áli kúnge rıngke shyqqan joq. Al Batyr Júkembaev bolsa sheberligi tolysqan myqty jigittermen kezdesti. Sondyqtan ony favorıt sanaýǵa bolady» deıdi arna avtory.