Baqyt Sultanov «Damý» kásipkerlikti damytý qory» AQ Dırektorlar keńesiniń tóraǵasy bolyp saılandy. Ol bul qyzmetke Álıhan Smaıylovtyń ornyna keldi, dep habarlaıdy Egemen.kz.
«Damý» kásipkerlikti damytý qory» AQ baspasóz qyzmeti atap ótkendeı, bul sheshim 2022 jylǵy 4 aqpanda qordyń Dırektorlar keńesimen qabyldandy.
Ol 1994 jyly Qazaq ulttyq tehnıkalyq ýnıversıtetin ınjener-elektrık mamandyǵy boıynsha, 1995 jyly Qazaq memlekettik basqarý akademııasyn ekonomıst mamandyǵy boıynsha bitirgen.
Eńbek jolyn 1994 jyly Qazaqstan Respýblıkasy Qarjy mınıstrligine qarjy naryǵynyń baǵaly qaǵazdary basqarmasy aksıonerleý jáne lısenzııalaý bóliminiń jetekshi ekonomısti bolyp bastady.
1995 jyldan bastap bólim bastyǵy, keıin basqarma bastyǵynyń orynbasary (1996), Bıýdjet departamenti dırektorynyń orynbasary (1997), Memlekettik satyp alý departamentiniń dırektory (1998), Qazynashylyq departamenti dırektorynyń orynbasary (1999), Bıýdjet departamenti dırektorynyń orynbasary (2001), Qazaqstan Respýblıkasy Qarjy mınıstrligi Memlekettik Bıýdjet departamentiniń dırektory (2002) bolyp taǵaıyndaldy.
2002 jylǵy qyrkúıekten 2003 jylǵy maýsymǵa deıin - QR Ekonomıka jáne bıýdjettik josparlaý mınıstrligi Bıýdjet saıasaty jáne josparlaý departamentiniń dırektory.
2003 jylǵy maýsymnan 2006 jylǵy aqpanǵa deıin - Qazaqstan Respýblıkasynyń Ekonomıka jáne bıýdjettik josparlaý vıse-mınıstri.
2006 jylǵy aqpannan 2007 jylǵy qańtarǵa deıin - Qazaqstan Respýblıkasy Statıstıka agenttiginiń tóraǵasy.
2007 jylǵy qańtardan 2007 jylǵy 10 tamyzǵa deıin - Qazaqstan Respýblıkasynyń Qarjy vıse-mınıstri.
2007 jylǵy 10 tamyzdan bastap - Qazaqstan Respýblıkasynyń Ekonomıka jáne bıýdjettik josparlaý mınıstri.
2010 jylǵy 13 naýryzda Prezıdent Jarlyǵymen Qazaqstan Respýblıkasy Prezıdentiniń kómekshisi bolyp taǵaıyndaldy.
2012 jylǵy 21 qańtardan 2013 jylǵy 6 qarashaǵa deıin - Qazaqstan Respýblıkasy Prezıdenti Ákimshiligi Basshysynyń orynbasary.
2013 jylǵy 6 qarashadan 2018 jylǵy 11 qyrkúıekke deıin - Qazaqstan Respýblıkasy Premer-Mınıstriniń orynbasary jáne Qazaqstan Respýblıkasynyń Qarjy mınıstri.
2018 jylǵy 11 qyrkúıekten 2019 jylǵy 13 maýsymǵa deıin - Astana, qazirgi Nur-Sultan qalasynyń ákimi.
2019 jylǵy 17 maýsymnan bastap - Qazaqstan Respýblıkasynyń Saýda jáne ıntegrasııa mınıstri.
2022 jylǵy 11 qańtardan bastap Qazaqstan Respýblıkasy Premer-Mınıstriniń orynbasary - Saýda jáne ıntegrasııa mınıstri bolyp taǵaıyndaldy.
Buǵan deıin Memleket Basshysy Qasym-Jomart Toqaev QR Premer-Mınıstriniń orynbasary - Saýda jáne ıntegrasııa mınıstri Baqyt Sultanovty EEK Keńesindegi Qazaqstannyń ókili etip taǵaıyndaý týraly Jarlyqqa qol qoıǵan bolatyn.