Ekinshi orta salmaq dárejesindegi álemniń burynǵy chempıony Davıd Benavıdes Gennadıı Golovkın qaı kezde de Saýl Alvareske laıyqty qarsylas bolatynyna senimdi, dep habarlaıdy Egemen.kz sports.kz-ke silteme jasap.
«Men Gennadıı Golovkın Saýl «Kanelo» Alvares úshin áli de qaýipti qarsylas ekenine senimdimin. Gennadıı Golovkındi esepten shyǵaryp tastaǵysy keletinderdi túsinbeımin. Ol «Kaneloǵa» qarsy rıngte 24 raýnd ótkizdi. Eki kezdesý de naǵyz shaıqas boldy. Endi kelip ony úshinshi jekpe-jekte birjaqty jeńiledi deý – bos sóz. Bir anyǵy, Gennadıı Golovkın qaı kezde de uly boksshy bolyp qala beredi. Onyń tájirıbesi, sheberligi, qaıtalanbas kúshi kez kelgen qarsylas úshin másele týyndatady. Sondyqtan men Alvares-Golovkın trılogııasyn qýana tamashalaımyn», dedi boksshy Fighthype-qa bergen suhbatynda.