Shyǵys Qazaqstan oblysynda Olımpıada chempıony Olga Rypakova atyndaǵy jeńil atletıka maneji paıdalanýǵa berildi. Bul týraly Egemen.kz tilshisi habarlady.
Jeńil atletıka manejiniń tusaýkeser rásimine óńir basshysy Berdibek Saparbaev, London Olımpıadasynyń chempıony Olga Rypakova, «Qazatomónerkásip» ulttyq kompanııasy basqarma tóraǵasynyń orynbasary Sergeı Iаshın, Sport jáne deneshynyqtyrý isteri jónindegi agenttik tóraǵasynyń orynbasary Sársen Quranbek, elimizdiń jeńil atletıka federasııasynyń vıse-prezıdenti Alekseı Kondrat, jeńil atletıka boıynsha bas bapker Vıacheslav Sokırko, 2013 jylǵy «Qazaqstan barysy» Aıbek Nuǵymarov qatysty.
Halyqaralyq talaptarǵa saı keletin sport kesheni «Qazatomónerkásip» ulttyq kompanııasynyń demeýshiligimen salyndy. Jalpy syıymdylyǵy 650 jankúıerge arnalǵan elimizdegi biregeı sport nysanynda 60 jáne 200 metrlik júgirý joldary, bıiktikke jáne qarǵyp sekirý sektorlary, sondaı-aq sportshylardyń kópsaıysqa deıingi jeńil atletıkanyń barlyq túri boıynsha jattyǵýyna múmkindik bar.Álemdik talaptarǵa jaýap beretin nysanǵa qazirdiń ózinde jattyǵýlar men iri jarystar ótkizýge ótinishter túsýde. «Qazatomónerkásip» ulttyq kompanııasy atalǵan nysandy salýǵa 700 mln. teńge bólgen bolatyn.
Sport nysanynyń ashylý saltanatynda XVII Olımpıada oıyndarynyń kúmis júldegeri, belgili jelaıaq jerlesimiz Ǵusman Qosanov atyndaǵy jasóspirimder men qyzdar arasynda ashyq birinshilik ótti. Atalǵan jarysqa oblys sportshylarymen qatar, Pavlodar, Qaraǵandy jáne Almaty oblystarynyń komandalary qatysty.
Olga Rypakova sportshylarǵa laıyqty qurmet kórsetken Memleket basshysyna óziniń rızashylyǵyn jetkizdi.
Dýman Anash.
О́skemen.
Derekkóz: Egemen.kz.
Foto: Egemen.kz.