UFC prezıdenti Dana Ýaıt búgin ótken Israel Adesanıa men Robert Ýıttaker arasyndaǵy ekinshi jekpe-jekke qatysty pikirimen bólisti, dep habarlaıdy Egemen.kz www.championat.com-ǵa silteme jasap.
«Meniń esebimde 3:2 esebimen Israel Adesanıa jeńiske jetti. О́z basym Robert múmkindiginshe kóp soqqy jumsap, qarsylasyn jerge alyp uryp, óziniń balýandyq qyryn kórsetedi dep oılaǵan edim. Ras bul joly ol kóp qysym kórsetti. Alaıda kóbinese kúreske nazar aýdardy. Birinshi kezdesýge qaraǵanda qorytyndy shyǵarǵany baıqalyp turdy. Ýıttaker tamasha jekpe-jek ótkizdi. Naǵyz babyna kele bastaǵanyn ańǵartty», dedi ol óz oıyn túıindep.
Esterińizge sala keteıik, UFC 271 týrnıri asynda eki sportshy qarymda kezdesý ótkizgen bolatyn. Bul joly da Israel Adesanıanyń mereıi ústem boldy. Áıtkenmen oktagonda baryn salǵan Robert Ýıttaker jeńiske laıyq boldy degen mamandar da az emes.