Keshe Premer-Mınıstr Kárim Másimov “IVM Power Systems” kompanııasynyń bas dırektory Ross Maýrımen kezdesti, dep habarlady Premer-Mınıstrdiń baspasóz qyzmeti.
Kezdesý barysynda kompanııanyń Qazaqstandaǵy jumysynyń aǵymdaǵy jaǵdaıy men perspektıvalary talqylandy. R.Maýrı ǵylymı-aǵartýshylyq baǵdarlamalardy birlese júzege asyrýdy kózdeıtin “IVM Power Systems” kompanııasynyń josparlary, sondaı-aq qazaqstandyq mamandardy aqparattyq tehnologııalar salasynda oqytý jaıynda habarlady. Ol kompanııanyń Astanada “Linux” operasııalyq júıesiniń ınnovasııalyq bilim berý ortalyǵyn ashýǵa jáne Qazaqstanǵa kompanııanyń ózi L.Gýmılev atyndaǵy EUÝ, Abaı atyndaǵy QazUPÝ, sondaı-aq halyqaralyq IT-ýnıversıtetinde júzege asyrýdy josparlap otyrǵan bilim berý úderisi men ǵylymı zertteýler maqsatynda paıdalaný úshin sýperkompıýterler jetkizip berýge daıyn ekenin atap kórsetti.
Taraptar ózara qyzmettestikti odan ári tıimdi damytý úshin úlken áleýettiń bar ekenin, sol sııaqty ekonomıkanyń túrli sektorlarynda aqparattyq jobalardy birlesip júzege asyrýǵa eki jaqtyń da múddeli ekenine nazar aýdardy.