Oqıǵa 11 aqpan kúni tús aýa Hatlon oblysy Abdýrahmonı Djomı aýdanyndaǵy Vahdat aýylyndaǵy №31 mektepte oqý prosesi kezinde bolǵan, dep habarlaıdy Egemen.kz.
«Shatyrdyń bir bóligi opyrylyp, ǵımarattyń qabyrǵalary qıraı bastady», dep jazylǵan Asia-Plus taratqan habarlamada.
«Juma kúni saǵat bester shamasynda 7 synyp oqýshylary synyptaǵy qabyrǵadan sylaqtyń qalaı qulaı bastaǵanyn baıqap, bul týraly muǵalimine habarlady. Birden balalardy ǵımarattan shyǵara bastadyq. Olardyń eshqaısysy zardap shekken joq», deıdi mektep dırektory Mustafo Balajanov.
Onyń aıtýynsha, dırektor kabıneti, bir synyp jáne muǵalimder bólmesi qırap qalǵan.
Bul mektep ǵımaraty 1957 jyly paıdalanýǵa berilgen.
Ǵımarattyń qırandylaryn shyǵarýdy qadaǵalaǵan Djomı aýdanynyń bilim bóliminiń basshysy Hasan Tabarov ǵımarattyń shynymen apatty jaǵdaıda ekenin, ony buzatyndaryn aıtty.
Alaıda mektep dırektory da, aýdan basshysy da balalardyń apatty ǵımaratta nelikten oqýyn jalǵastyrǵanyn túsindirmedi.