Qańtardyń 4-inen 5-ine qaraǵan túni Almatydaǵy jappaı tártipsizdik pen ákimdik ǵımaratyn basyp alýǵa eki shetel azamaty qatysqany anyqtaldy, dep jazady Egemen.kz.
Vedomstvonyń málimetinshe, basqynshylar Mamandandyrylǵan kúzet qyzmeti basqarmasy men polısııanyń qarýsyz qyzmetkerlerine kúsh kórsetken. Bıylǵy jyldyń 1 aqpanynda olar sottyń sanksııasymen qamaýǵa alynǵan.
Qylmyskerler 2022 jyldyń 6 qańtarynda tikeleı efır uıymdastyrý úshin «Kók tóbe» telemunarasyn basyp alýdy josparlaǵan. Josparyn júzege asyrý úshin beıbit turǵyndardy kóndirip, olardyń ómirine qastandyq jasaǵany belgili boldy.
Qylmyskerler aıtqandaryn oryndaýdan bas tartqan 1992 jyly týǵan azamatqa sholaq myltyqpen eki ret oq atyp jaralaǵan.
Atalǵan qylmysty buryn sottalǵan, Almaty qalasynda 1983 týǵan azamattyń uıymdastyrǵany anyqtaldy. Onyń qylmysqa qatysy bar ekenin kýágerler rastady. Bıylǵy jyldyń 25 qańtarynda ol sot sanksııasymen qamaýǵa alyndy.