Búgin keńes áskerleriniń Aýǵanstan aýmaǵynan shyǵarylǵanyna 33 jyl tolýyna oraı elordada Aýǵanstanda ınternasıonaldyq boryshyn oryndaý kezinde qaza tapqan qazaqstandyqtarǵa arnalǵan memorıalda saltanatty is-shara ótti, dep jazady Egemen.kz.
Is-sharaǵa 100-ge jýyq adam qatysty. Olardyń qatarynda Aýǵan soǵysynyń ardagerleri, qaza tapqan jaýyngerlerdiń týystary, UQK Shekara qyzmetiniń jáne QR Qorǵanys mınıstrliginiń basshylyǵy men áskerı qyzmetshileri, sondaı-aq qala ákimdiginiń ókilderi bar.
Sondaıa-aq ınternasıonalıst jaýyngerlerdi eske alý sharasy Almaty oblysynda da uıymdastyryldy. Onda 28 Panfılovshylar saıabaǵynda monýmentke gúl shoqtary qoıyldy. Jınalysta Shekara qyzmetiniń qurmetti ardageri, general-maıor Toqtasyn Buzýbaev sóz sóıledi.
ShQ Atyraý, Qyzylorda, Mańǵystaý, Túrkistan, Soltústik Qazaqstan jáne Batys Qazaqstan oblystary boıynsha departamentterinde de qaza tapqan áskerı qyzmetshilerdi eske alý sharasy bolyp ótti.