Búgin, 25 naýryz kúni Ýfanyń «Salavat Iýlaev» komandasy óz alańynda Astananyń «Barysyn» over-taımda 3:2 etip utty. Bul týraly «Sovetskıı sport» habarlady.
Oıynnyń negizgi ýaqytynda «Barys» eki ret esepti teńestirdi. Aldymen ýfalyq Igor Mıronovtyń golyna Naıdjel Doýs jaýap qaıtardy. Match bitýge eki mınýt qalǵanda, alań ıeleri taǵy da alǵa shyqty. Osymen kezdesý de aıaqtalatyndaı bolyp kóringen. Al tóreshiniń sońǵy ysqyryǵy estilýge 9 sekýnd qalǵanda, Dmıtrıı Ýpper esepti teńestirip úlgerdi.
Sodan keıin over-taımǵa kezek keldi. Osy kezeńde salavattyq Kırıll Kolsov komandasyna jeńis alyp berdi.
Eske sala keteıik, bul qarsylastardyń Astanada ótken eki kezdesýiniń nátıjesi 1:1 boldy. 21 naýryz kúni ótken birinshi matchta «Salavat» pen «Barys» negizgi ýaqytta búgingideı 2:2 esebimen teń tústi. Qosymsha ýaqytta qonaqtar bir dop soǵyp ketti. Kelesi, 22 naýryz kúni astanalyqtar 5:2 esebimen jeńiske jetti. Al 24 naýryzda Ýfada jalǵasqan kezdesýde dál osyndaı eseppen «Salavat» basym shyqty. Sosynǵy nátıje mynadaı.
Osymen serııadaǵy esep 3:1 boldy. «Salavat Iýlaev» alda keledi. Qarsylastar kelesi matchty 27 naýryzda Astanada ótkizedi. Múbáda osy oıynda qonaqtar jeńip ketse, serııa da aıaqtalady.
Damır Qojamqul.
Derekkóz: Sovetskıı sport.
Foto: ITAR-TASS.