Fransııalyq «PSJ» fýtbol klýbynyń shabýylshysy Kılıan Mbappe chempıondar lıgasynyń 1/8 fınalynda Ispanııanyń «Real» fýtbol klýbynyń qaqpasyna gol soqqannan keıin óziniń bolashaq jospary týraly saýalǵa jaýap berdi, dep habarlaıdy Egemen.kz.
«Bul kezdesý meniń bolashaǵyma áser etýi múmkin be? Joq. О́ıtkeni men ázirge eshqandaı sheshim qabyldaǵan joqpyn. Árbir oıynda barymdy salyp oınaımyn. Kelesi maýsymda ne bolatynyn ýaqyt kórsetedi. Eki komanda oınap jatqanda «Realǵa» aýysý máselesi týraly sóz qozǵaýdyń ne qajeti bar? Biz artyq suraqtardy kóp qoıamyz. Men qazir «PSJ» fýtbol klýbynyń oıynshysymyn», dedi fýtbolshy.
Kılıannyń sózinen máseleni aınalyp ótýge umtylys qana baıqaldy. Al rasynda ol jazda «Realdyń» sapyna aýysýy kerek.