Kúni-túni dala kezgen jabaıy mysyqty kórip pe edińiz? Dál osyndaı mysyq Atyraýdaǵy «Aq Jaıyq» memlekettik tabıǵı rezervatynda bar eken. Biraq onyń sany belgisiz.
Oblystyq orman sharýashylyǵy jáne janýarlar dúnıesi aýmaqtyq ınspeksııasynyń bas mamany Nurlan Imanǵalıevtiń aıtýynsha, jaqynda jabaıy dala mysyǵy sharýa qojalyǵynyń aýmaǵynda tuzaqqa túsken.
– Dala mysyǵy Atyraý qalasynyń mańyndaǵy sharýa qojalyǵynyń aýlasynda usaq jandyqtar men úı qustaryn talaǵan. Jabaıy ań azyq izdep kelgen bolýy múmkin. Sol kezde tuzaqqa túsip qalǵan. Sharýa qojalyǵynyń jetekshisi tuzaqtaǵy mysyqqa qarsy tosyn áreketke barmaı, eriktilerge júgingen. Eriktiler bul jóninde oblystyq aýmaqtyq orman sharýashylyǵy jáne janýarlar dúnıesi ınspeksııasyna habarlady. Inspeksııa ınspektorlary eriktilermen birge jabaıy mysyqty «Aq Jaıyq» memlekettik tabıǵı rezervatynyń aýmaǵyna ákelip, tabıǵı mekendeý ortasyna jiberdi, – deıdi Nurlan Imanǵalıev.
Atyraý oblysy