Bul týraly QR TJM tótenshe jaǵdaılardyń aldyn alý departamentiniń bastyǵy Rýstambek Amrın Prezıdent janyndaǵy OKQ-da ótken brıfıngte aıtty, dep jazady Egemen.kz.
«TJM men ortalyq atqarýshy organdar kóktemgi sý tasqyny kezinde tótenshe jaǵdaıdyń aldyn alý sharalaryn júzege asyryp jatyr. «Qazgıdromet» MKK aqpandaǵy aldyn ala málimeti boıynsha el boıynsha sý qory ótken jyldarmen salystyrǵanda ortasha deńgeıden joǵary ekenin aıtty. Aqmola oblysyndaǵy Sileti ózeniniń basseıni, Qostanaı oblysynyń Torǵaı, Qaratorǵaı ózeni, BQO-nyń ózeni, ShQO-nyń Shúlbi men Buqtyrma basseınderi kirip otyr», dedi Rýstambek Amrın.
Rýstambek Amrın sý tasqynyna qardyń jınalýynan bólek jaýyn-shashynnyń joǵary mólsheri de áser etetinin aıtty.
«О́zenderdiń qatýy da ótken jylǵydan juqa bolyp otyr. Bul muzdyń erte erýine alyp kelýi múmkin. Temperatýranyń jylýy men aqpan-naýryzda jaýyn-shashyn mólsheri sý tasqynynyń bolýy qaýpin arttyrady. Sý tasqyny qaýpi bar óńirlerge Aqmola, Qaraǵandy, Qostanaı, SQO oblystary jatady. Ortasha qaýpi bar oblystarǵa Túrkistan, Jambyl, Pavlodar, BQO oblystary jatady», dedi ol.