Almatyda birneshe kósheni Úlken Almaty aınalma jolyna deıin uzartý úshin Ulttyq qordan 8 mlrd teńge bólindi. Bul týraly Almaty oblystyq jolaýshylar kóligi jáne avtomobıl joldary basqarma basshysynyń orynbasary Serik Samuratov málimdedi, dep jazady Egemen.kz.
Onyń aıtýynsha, qazir Almatydaǵy Saın, Soltústik aınalma, Rysqulov jáne Abaı kósheleriniń qurylys-montajdaý jumystary bastalǵan.
«Bıyl bul maqsattarǵa Ulttyq qordan 8 mıllıard teńge bólindi. Saın kóshesine – 2,7 mlrd teńge, Rysqulov – 2 mlrd teńge, Abaı – 2 mlrd teńge, Soltústik aıalma jol – 1,3 mlrd teńge», dedi Serik Samuratov.
Buǵan deıin Almaty ákimdigi N.Tilendıev kóshesin 9 shaqyrymǵa, al soltústik jarty aınalma joldy 1,2 shaqyrymǵa uzartý josparlanǵanyn aıtqan bolatyn.
Jalpy 2030 jylǵa deıin Almatyda 38 kóshe uzaratylady.