Shyǵys Qazaqstan oblysy Glýbokoe aýdanyndaǵy úsh eldi mekendi sý ala bastaǵany belgili boldy. Bul týraly YK-news habarlady.
Portaldyń málimetinshe, kúnniń kúrt jylyp ketýi saldarynan Glýbochanka atty ózenniń deńgeıi birden joǵary kóterilip, arnasynan asyp ketken. Aýdannyń Beloýsovka, Progress jáne Glýbokoe eldi mekenderi arqyly ótetin ózen olarǵa qaýip tóndirgen. Munyń sońy osy selolardy sý basýyna aparyp soqtyrǵan.
«Kún kúrt jylyp, qar lezde erı bastaǵannan keıin Beloýsovkada - 8 úıdi, Glýbokoeda - 6 úıdi, al Praporshıkovo eldi mekeninde 16 úıdi sý basty», - delingen resmı habarlamada.
Qazirgi tańda Glýbokoe aýdandyq ákimdigi kóktemgi sý tasqynyna qarsy sharalarǵa 6 mıllıon teńge bólip otyr. Ol aqshaǵa ózen jaǵasyn kúsheıtý jáne jeke úılerdiń aýlasyndaǵy sýdy shyǵarý jumystary júrgiziledi.
Murat Aıtqoja.
Derekkóz: YK-news.