Rejısser Farhat Sháripovtiń «Shema» atty fılmi 72-shi Berlın halyqaralyq kınofestıvalinde Gran-prıdi utyp aldy.
Qazaqstandyq fılm bul baıqaýǵa Generation (balalar jáne jasóspirimder týraly fılmder) baǵdarlamasy boıynsha qatysty. Júlde fılm rejısserine tapsyryldy. «Túsirilim tobyna maǵan degen senimi men eńbegi úshin alǵys aıtamyn. Odan bólek fılmge túsken jas ártisterge erekshe rızashylyǵymdy bildiremin. Berlındegi komandaǵa jáne bizdi shaqyrǵany úshin rahmet. Baıqaýǵa qatysqanymyzǵa qýanyshtymyn. Jasóspirimder týraly kıno jastarǵa arnalǵan», deıdi rejısser.
Kınotýyndy kastıngke kelgen jasóspirimderdiń ashyq áńgimesi negizinde túsirilgen. Túsirilim jumystary 2020 jyldyń kúzinde Almatyda bastalǵan. Basty rólderde Vıktorııa Romanova men Taır Svınsov oınaıdy. Qoıýshy operator Aleksandr Plotnıkov, qoıýshy sýretshi Alekseı Shındın, al prodıýseri Dına Jumabek.
Aıta keteıik, Farhat Sháripovtiń erkin aıtylmaıtyn taqyrypty qolǵa alýy birinshi ret emes. «Shema» fılmin Mádenıet jáne sport mınıstrliginiń tapsyrysymen ulttyq kınony qoldaý memlekettik ortalyǵynyń qatysýymen Medeor kınokompanııasy túsirgen.