Májilis Tóraǵasy Nurlan Nyǵmatýlın Japonııanyń Qazaqstandaǵy elshisi Masaesı Kamoharamen kezdesti. Taraptar eki eldiń qarym-qatynasyn talqylady. Sondaı-aq, qos memlekettiń strategııalyq áriptes jáne ózara túsinistik deńgeıinde jolǵa qoıylǵan joǵary yntymaqtastyq jaǵdaıyn sóz etti. Sonymen qatar, halyqaralyq qaýipsizdik, sonyń ishinde ıadrolyq qarýsyzdaný jáne taratpaý máselelerine de basa nazar aýdardy.
Májilis Tóraǵasy Qazaqstan Prezıdenti Nursultan Nazarbaevtyń osy saladaǵy bastamalarynyń mańyzdylyǵy men ózektiligine toqtaldy. Odan ári, ol bizdiń elderimiz ıadrolyq qarýdan japa shekken el retinde jappaı qyryp- joıýǵa soqtyratyn qarýdy taratpaý jáne atomdy beıbit maqsatta paıdalaný jolyndaǵy jaýapkershilikti sezinetinin atap kórsetti. «Sondyqtan, ıadrolyq qarýdy taratpaý týraly shart halyqaralyq qaýipsizdik úshin óte mańyzdy», – dedi Nurlan Nyǵmatýlın.
Osy rette Májilis Tóraǵasy ıadrolyq qaýipsizdikke baılanysty Gaagada ótken sammıt Elbasy bastamasynyń zamanaýılyǵynyń taǵy bir kórsetkishi ekenine nazar aýdartty. Spıkerdiń taǵy bir atap ótkeni, Japonııanyń jetekshi energetıkalyq kompanııalarymen ózara yqpaldastyǵy. Sonyń nátıjesinde elimizdiń atom ónerkásibi salasyn úzdik tehnologııalarmen qamtamasyz etýge múmkindik týdy.
О́z kezeginde Masaesı Kamohara Japonııa Qazaqstanmen barlyq baǵytta, ásirese, atomdy beıbit maqsatta paıdalaný máselesinde etene baılanys jasaýǵa daıyn ekenin jetkizdi. Elshi Qazaqstannyń damýyn joǵary baǵalap, japondyqtardyń bizdiń elimizge degen qyzyǵýshylyǵynyń jyl sanap artyp otyrǵanyn jetkizdi. Osy rette M. Kamohara Prezıdenttiń «Qazaqstan-2050» Strategııasy zor múmkindikter ashatynyna senim bildirdi.
Nurlan Nyǵmatýlın atalǵan eldiń energetıka salasyndaǵy ozyq tájirıbesin eskere otyryp, japondyq kompanııalardy EKSPO-2017 kórmesine qatysýǵa shaqyrdy. Al saýda-ekonomıkalyq baılanysqa kelsek, qos taraptyń da bul baǵytty odan ári damytýǵa qyzyǵýshylyǵy zor. 2013 jyly taýar aınalymy 1,7 mlrd. AQSh dollarynan asqan. Qazaqstan ekonomıkasyna tikeleı japondyq ınvestısııa arqyly kelgen ishki jıyntyq túsim mólsherdegiden 6,2 mlrd. AQSh dollaryna artyq.
Odan ári parlamentaralyq qarym-qatynasty nyǵaıtý jaıynda áńgime órbidi. Kezdesý ıeleri osy jolda beıindi komıtetter men yntymaqtastyq jónindegi toptar arasyndaǵy ózara is-qımyldy keńeıtýdiń ózektiligin atap ótti.