О́zbekstannyń kólik júrgizýshileri kelesi aıdan bastap júrgizýshi kýáliginsiz, senimhatsyz jáne saqtandyrýsyz kólik júrgize alady, dep habarlaıdy Egemen.kz.
Prezıdent «О́zbekstan Respýblıkasynyń kólik jáne qarjy salalarynda keıbir quqyq buzýshylyqtar jasaǵany úshin ákimshilik jazalardy yryqtandyrýǵa baılanysty ákimshilik jaýapkershilik Kodeksi týraly» Zańǵa qol qoıdy.
Qujatqa sáıkes, 2022 jyldyń naýryzynan bastap О́zbekstan Respýblıkasynyń Ishki ister organdary jáne konsýldyq mekemeleri bergen málimetter boıynsha bıometrııalyq pasport nemese ID sáıkestendirý kartasy bolǵan jaǵdaıda saqtandyrý qujattary talap etilmeıdi.
Esterińizge sala ketsek, 2021 jyly 15 qazanda О́zbekstan Respýblıkasynyń Ishki ister organdary aqparattyq tehnologııalardy engizý jóninde qaýly qabyldady.
Qujatqa sáıkes, 2022 jyldyń 1 naýryzynan bastap júrgizýshide jol polısııasy qyzmetkerine usynylatyn birqatar qujat bolmasa, qosymsha derekterdi arnaıy planshettiń kómegimen ID-kartasy arqyly tekserýge bolatyndyǵy aıtylǵan.
Bul jaǵdaıda ID-kartasy bar júrgizýshilerden tómendegi qujattardy talap etpeýge bolady:
- jańa úlgidegi júrgizýshi kýáligi;
- kólik quralynyń tirkelgenin, ony paıdalaný quqyǵyn rastaıtyn qujattar;
- azamattyq jaýapkershilikti mindetti saqtandyrý polısi.
2022 jyldyń 1 aqpanyna deıin saqtandyrý sharttary týraly barlyq derekter biryńǵaı aqparattyq júıege engizilýi tıis.
Aıana Toǵanbek,
EUÝ stýdenti