Asa jeńil salmaqta baq synap júrgen reseılik aralas jekpe-jek sheberi Petr Iаnnyń fızıkalyq daıyndyǵyna jaýapty bapkeri Shon Kober shákirtiniń aldaǵy jekpe-jekte Aldjemeın Sterlıngti ońaı jeńetinine senimdi, dep habarlaıdy Egemen.kz championat.com-ǵa silteme jasap.
«Aldaǵy jekpe-jekte Petr Iаn tolyqqandy basymdyqqa ıe bolady degen oıdamyn. Petr qazir naǵyz sporttyq babyna engeni sózsiz. Oqý-jattyǵý jıynyn aıryqsha qarqynmen bastady. Men onyń boıynan buryn-sońdy dál bundaı kúshti baıqaǵan emespin. Sportshynyń barlyq is-áreketi, árbir qımyly tańdaı qaqtyrady. Bir sózben aıtqanda Petr Iаn naǵyz shaıqasqa tas túıin daıyn deýge tolyq negiz bar. Sondyqtan Aldjemeın Sterlıngti óte aýyr kezdesý kútip turǵanyna eshqandaı kúmánim joq», deıdi bapker óz oıymen bólisip.