Ýkraına shıelenisi teńgege áser ete me?

Ýkraına tóńiregindegi jaǵ­daı­dyń odan ári ýshyǵýy jáne geo­saıası táýekelderdiń ulǵaıýy aıasynda qarjy naryqtarynyń qubyl­ýy kúrt ósti. Reseıge qarsy sanksııalardyń kúsheıýin kútý jáne jahandyq ınves­tor­lardyń Reseı aktıvterinen budan bylaıǵy shyǵýy Reseı rýbline qysym kórsetýde.

Sońǵy táýlikte rýbldiń ál­sireýi 4%-dan asty. Rýbl 80 mejesine jetip, qazirgi ýaqytta bir dollar úshin 80,5 rýbl deń­geıinde saýdalanýda. Reseılik MOEX aksııalarynyń ındeksi aldy­gúni 10,5%-ǵa tómendep, keshe saýda-sattyq ashylǵannan keıin 5%-ǵa jýyq tómendedi.

Álemdik qarjy naryqtary ahýaldyń odan ári damý belgi­siz­diginiń artýyna qatty áser etti. EURO STOXX ındeksi 2,17%-ǵa, DAX ındeksi 2,07%-ǵa tómendedi. Altynnyń baǵasy bir ýnsııa úshin 1 906 dollarǵa deıin ósti.

Barlyq álemdik jáne jer­gi­likti naryqtarǵa áser etetin negizgi saýda áriptesi na­ry­ǵyndaǵy ahýaldy eskersek, Qazaqstannyń qarjy naryǵy úshin de táýekelder ósti. Rýbldiń álsireýi teńgege qy­sym kórsetýde. Keshegi saýda-sat­tyq ashylǵannan bastap teńge bir dollar úshin 426,5 teńgeden 437,80 teńgege deıin 2,6%-ǵa álsiredi.

Aqpan aıyndaǵy salyq apta­synyń aıasyndaǵy eksport­taý­shylardyń satýy jáne keıbir kezderde 98-99 belgisine jetken, bir barrel úshin 92-97 dollar aýqymynda saqtalyp otyrǵan munaıdyń joǵary baǵasy teńgege qoldaý kórsetýde.

Kúrt ósken qubylmalylyq aıasynda ishki valıýta naryǵyndaǵy jaǵdaıdyń turaqsyzdanýyn boldyrmaý úshin Ulttyq bank keshegi saýda-sattyq barysynda azdaǵan valıýtalyq ıntervensııalar júrgizdi. Qazirgi ýaqytta saýda-sattyqtyń jalpy kólemi 155 mln dollar bolǵan kezde olardyń kólemi 33 mln dollardy quraıdy. Bul barlyq saýda-sattyqtyń shamamen 20%-y bolady.

– Ulttyq bank ózgermeli aıyrbastaý baǵamy qaǵıdatyn ustanýda. Biz qarjy naryq­tar­yndaǵy ahýaldy, atap aıtqanda Ýkraınaǵa baılanysty jaǵdaı boıynsha oqıǵalardyń damýyn baqylap otyrmyz. Naryqtardyń budan bylaıǵy serpini kóbinese sanksııalardyń sıpaty men sebepterine jáne olardyń RF ekonomıkasyna tıgizetin áserine baılanysty bolady, – dedi Ulttyq bank tóraǵasynyń orynbasary.