Respýblıka boıynsha óńirlerdiń eksporttyq belsendiligi 9 statıstıkalyq kórsetkish boıynsha baǵalanady. Eksporttaýshy aımaqtar qatarynda reıtıngtegi alǵashqy bestikti Shymkent qalasy bastap tur, dep habarlaıdy Egemen.kz.
Buryn megapolıstiń daıyn ónimderi 6 elge jetkiziletin bolsa, qazir onyń sany 9-ǵa ósti. О́tken jyly Grýzııa men Ýkraına elderine transformatorlar, Belarýs memleketine jıhaz ben tósek-oryn jabdyqtary alǵash ret jetkizile bastady.
Taǵy tórt kórsetkish boıynsha Shymkent qalasy kóshbasshylar úshtigine endi. О́tken jyly 23 jańa daıyn taýarlar jáne 5 jańa shıkizat taýarlary eksporttaldy. Qalanyń óńdeý ónerkásibindegi 54 kásiporyn turaqty eksportqa ónim shyǵarady. 2021 jyldyń qańtar-jeltoqsan aıynyń qorytyndysy boıynsha Shymkent qalasynyń syrtqy saýda aınalymy 1 mlrd 905 mln AQSh dollar. Onyń ishinde, eksport - 573,5 mln AQSh dollaryn qurap tıisti kezeńmen salystyrǵanda 17,3%-ǵa ósti.