Qazaqstannyń Elshiligi qaqtyǵys kezinde Ýkraınada qalyp qoıǵan qazaqstandyqtar úshin jedel habarlama taratty, dep habarlaıdy Egemen.kz.
«Qurmetti Qazaqstan Respýblıkasynyń azamattary!
Áskerı qaýipke baılanysty Qazaqstan Respýblıkasynyń azamattaryna jergilikti atqarýshy organdardyń nusqaýlaryn qatań túrde oryndaýdy, onyń ishinde jaqyn mańdaǵy panalaý ornyna (bomba baspanasy, jerasty ótkeli, jertóle, jerasty turaǵy, jerasty tonnel jáne t.b.) dereý jetýdi usynamyz.Qaýipti sátte siz turǵyn úı-jaıda qalsańyz, jaryqtandyrýdy tolyǵymen óshirip, terezelerge jaqyndamańyz jáne eń qaýipsiz orynda bolyńyz.Aýyz sý men azyq-túlikti aldyn ala jınaqtaýǵa tyrysyńyz», delingen QR Elshiliginiń Telegram arnasyndaǵy habarlamada.