Elimizdiń toǵyz qalasynda qolaısyz meteojaǵdaılar kútilýde, dep habarlaıdy Egemen.kz «Qazgıdromet» RMK-ǵa silteme jasap.
Sınoptıkterdiń málimetinshe, 2022 jyldyń 28 aqpanynda Nur-Sultan, Almaty, Qaraǵandy, Temirtaý, Jezqazǵan, Atyraý, Kókshetaý, Qostanaı jáne Pavlodar qalalarynda qolaısyz meteorologııalyq jaǵdaılar kútiledi.
Atalǵan qalalarda aýa lastanýynyń tómen deńgeıi kútiledi. Respýblıkanyń basqa qalalarynda qolaıly meteojaǵdaılar kútilýde.
Qolaısyz meteojaǵdaılar (QMJ) atmosferalyq aýanyń betki qabatynda zııandy zattardyń jınalýyna yqpal etetin qysqa merzimdi meteorologııalyq faktorlardyń (tynyshtyq, álsiz jel, tuman, ınversııa) úılesimin bildiredi. QMJ paıda bolǵan jaǵdaıda eldi mekenderdegi atmosferalyq aýa sapasynyń nasharlaýy múmkin. Lastaný deńgeıiniń qalyptasýyn anyqtaıtyn mańyzdy faktorlardyń biri-sınoptıkalyq jaǵdaıdyń boljamy (jel, jaýyn-shashyn, ylǵaldylyq, aýa temperatýrasy).
Aıana Toǵanbek