Germanııanyń Kotbýs qalasynda sporttyq gımnastıkadan Álem kýbogynyń irikteý kezeńi ótip jatyr. Onyń nátıjeleri boıynsha jerlesterimiz alda tur.
Gımnastıkalyq at snarıadyndaǵy irikteý qorytyndysy boıynsha Narıman Kýrbanov birinshi orynda keledi. Ol 15,266 upaı jınaǵan. Erkin jattyǵýda Mılad Karımı úshinshi orynda tur. Ol 13,600 upaı jınap, fınalǵa joldama aldy. Sondaı-aq Mılad qol tirep sekirýden irikteý nátıjesi boıynsha altynshy satyǵa jaıǵasty.
Karımı taǵy bir jattyǵý boıynsha da fınalda baq synaıtyn boldy. Gımnastıkalyq kerme jattyǵýyndaǵy irikteý qorytyndysynda qazaqstandyq sportshy 14,466 upaımen ekinshi orynǵa taban tiredi.