Tatýlyq taǵlymy

«Tarıhtan belgili, bizdiń ata-babalarymyz soǵys, asharshylyq sekildi qıyn kezeńderde elimizge qo­nys aýdarylǵan kóptegen etnos ókilin shetke qaqpaı, baýy­ry­na basqan. Bir úzim nanymen bólisip, qonaqjaılyq tanytqan. Sol dostyq peıil, birligimiz búginge deıin jalǵasyp keledi. Birlik – baq-berekeniń bastaýy demekshi, biz kópetnosty memleketimizdiń ynty­maǵyn, tatýlyǵyn saqtaý­ǵa tıispiz. Qoǵamdyq kelisim – turaq­ty­lyǵymyzdyń, damýy­myz­dyń kepi­li. Barshańyzǵa Qordaı, Baızaq, ke­shegi qańtar oqıǵalary kezinde birlikterińizdi kórsetip, túsinistik tanytqandaryńyz jáne qalypqa kel­tirý jumystaryna belsendi atsa­lysqandaryńyz úshin alǵys aıtamyz. «Beıbitshilik pen kelisim», «Asarlatyp úı salý», «Tarazǵa tartý», «Jomart túlek» sekildi jo­balardyń jemisti júzege asýy­na kórsetken qoldaýlaryńyzǵa rı­za­shylyǵymdy bildirgim keledi. Bul jobalar muqtaj jandardyń áleýmettik máselelerin sheshýge yqpal ete otyryp, barsha jam­byl­dyq­tardy birlikke, qamqor­lyq­qa, pat­rıottyqqa úndeıdi», dedi B.Saparbaev. Sondaı-aq aımaqtaǵy etno-mádenı ortalyqtardyń ókil­de­ri me­rekeniń mańyzdylyǵyn atap ótip, ba­ýyrmal qazaq eline degen al­ǵys­taryn bildirdi.

Budan keıin oblys ákimi Berdibek Saparbaev «Qoǵamdyq kelisim» meke­mesiniń «Dostyq» úıinde jasy júzg­e kelgen birqatar ardagerdi, qo­ǵam belsendileri jáne túrli sala qyzmetkerlerin, jappaı tártipsizdik pen tótenshe jaǵdaılar kezinde qyzmettik mindetin adal atqarǵan azamattardy marapattady. «Qarǵys alma, Alǵys al!», degen jaqsy sóz bar. Alǵys aıtý – adamdardyń bir-birine degen rızashylyǵy, qurmeti. Búginde Jambyl oblysynda 90-ǵa jýyq etnostyń ókilderi tatý-tátti ómir súrýde. Olardyń arasyndaǵy bir­lik pen kelisimdi saqtaý, dos­tyq qarym-qatynasty damytý bar­shamyzdyń mindetimiz. Biz eń birin­shi aǵa býyn ata-apalarymyzǵa eleýli eńbekteri úshin alǵys aıtýǵa tıispiz. О́ńirimizdiń órkendeýi jolynda jemisti jumys atqaryp, demeý­shilik, qaıyrymdylyq sha­ra­lary­na belsene atsalysyp júr­gen kásip­oryn­darǵa, qoǵamdyq tár­tipti qam­ta­masyz etip júrgen quqyq qor­ǵaý, tótenshe jaǵdaı sa­lasynyń qyzmetkerlerine, ob­­lys­tyń damýy­na atsalysyp júr­gen túrli sala qyzmetkerlerine, dárigerlerge, mu­ǵa­limderge, sport­­shylarǵa jáne bar­sha jer­les­te­rimizge alǵys aıtamyz», dedi ákim. Sonymen qatar Baızaq aýda­ny­­­nan 95 jastaǵy qarııa Serik Mamaıuly sóz alyp, óziniń ıgi tilegin jetkizdi. «Sońǵy jyldary oblys ortalyǵy kórkeıip, tamasha keıipke enip keledi. Oblystyń barlyq baǵytynda oń ózgerister baıqalady. Osy jolda aıanbaı eńbek etip júrgen barsha azamatqa rı­za­shylyǵymdy jetkizgim keledi. Qań­tar oqıǵasy sekildi keleńsiz oqı­ǵalar qaıtalanbasyn dep tileı­min. Elimizde tek beıbitshilik, tu­raq­­ty­lyq bolsyn», dedi ol.

Alǵys aıtý kúnine oraı «Kóne Ta­raz» kesheniniń alańynda tur­ǵyn­darǵa arnalyp konserttik baǵdar­la­ma, sporttyq is-sha­ralar, kórme, ulttyq oıyndar uıymdastyrylyp, tegin ystyq tamaqtar taratyldy.

Jambyl oblysy