Bul kúnderi Qatar astanasy – Dohada sporttyq gımnastıkadan Álem kýbogy kezeńi ótip jatyr. Alǵashqy irikteý kezeńiniń nátıjesi boıynsha eki qazaqstandyq sportshy jarystyń fınalyna joldama aldy.
Ulttyq Olımpıada komıtetiniń málimeti boıynsha Dohadaǵy jarysta gımnastıkalyq at snarıadynda irikteý kezeńine qatysqan jerlesimiz Narıman Qurbanov 14.566 upaı oljalap, fınalda baq synaıtyn sportshylardyń qatarynan kórindi. Sonymen qatar erkin jattyǵý básekesinde óner kórsetken Mılad Karımı da bas júldege talasyp kóredi. Ol irikteý jarysynda 13.900 upaı jınap, jetinshi nátıje kórsetti. Dohadaǵy Álem kýbogy kezeńi 7 naýryzǵa deıin jalǵasady.
Aıta keteıik, qazaqstandyq gımnasshylar ótken aptada Germanııanyń Kotbýs qalasynda uıymdastyrylǵan Álem kýbogynyń fınalynda da baq synaǵan edi. Narıman Qurbanov gımnastıkalyq at snarıadynda jetinshi orynǵa taban tirese, Mılad Karımı erkin jattyǵýda – besinshi, kermede – segizinshi, qol tirep sekirýde tórtinshi oryn alǵan bolatyn.