Halyqaralyq Paralımpıada komıtetiniń (HPK) sheshimi boıynsha búgin Beıjińde (Qytaı) jalaýy jelbireıtin 2022 jylǵy Paralımpııa oıyndaryna Reseı men Belarýstiń parasportshylary qatyspaıtyn boldy.
HPK baspasóz qyzmeti taratqan aqparatta jarysqa qatysýshy kóptegen eldiń ulttyq komıtetteri, komandalary men sportshylary Reseı men Belarýs quramasymen jarysýdan bas tartqan delingen. Sonymen qatar olımpıadalyq qalashyqta da atmosfera buzylǵan. Osy jaıttyń barlyǵyn nazarǵa alǵan HPK Reseı men Belarýs sportshylaryn jarystan shettetýdi jón sanaǵan.
Beıjińdegi Paralımpıada 4 jáne 13 naýryz aralyǵynda ótedi.