Búgin, 30 naýryz kúni Slovakııada ótken prezıdent saılaýynda táýelsiz kandıdat Andreı Kıska jeńiske jetti. Bul týraly VVS habarlady.
Jańa memleket basshysy bolǵaly turǵan úmitkerdiń negizgi qarsylasy – Slovakııanyń qazirgi premer-mınıstri Robert Fıso daýys berýdiń aqyrǵy nátıjeleri jarııalanbaı turyp-aq óziniń jeńilgenin moıyndady.
Qazirge deıin saılaý ýchaskeleriniń 96,77 paıyzynyń málimetteri belgili bolyp otyr. Onyń qorytyndysy belgili slovak fılantropy jáne kásipker Andreı Kıskanyń saılaýshylardyń 59,45 paıyz daýysyn alǵanyn anyqtap berdi. Ekinshi oryndaǵy qazirgi is basyndaǵy premer-mınıstri jáne bıleýshi Smer-SD demokratııalyq partııasynyń tóraǵasy Robert Fıso 40,54 paıyzdyq daýysqa qol jetkizdi.
Saıasattaǵy jańa adamnyń jeńiske jetýiniń slovak qoǵamynda sımvoldyq máni bar. Eger Fısko jeńiske jetse, onda búkil bılik oryntaqtary bir partııanyń qolyna kósher edi. Al Kıska óz kezeginde saılaý aldy ýádeleriniń bárin oryndaıtynyn qadap aıtty.
Eske sala keteıik, saılaýǵa barlyǵy 14 úmitker qatysty.
Murat Aıtqoja.
Derekkóz: VVS.
Foto: VVS.