Batys Qazaqstan oblysynda trassadan jeńil avtokólik ushyp ketti. Jol apaty saldarynan 54 jastaǵy jolaýshy kóz jumdy, dep habarlaıdy Egemen.kz.
О́ńirlik polısııa departamenti apat 7 naýryz kúni saǵat 19.30-da Aqjaıyq aýdany, Tompaq aýylynan 10 shaqyrym jerde bolǵany týraly aqparat taratty.
«Mitsubishi Montero avtokóliginiń 48 jastaǵy júrgizýshisi rýldi basqara almady jáne Renault markaly júk kóligimen soqtyǵysýǵa jol berdi. Nátıjesinde jeńil kóliktiń jolaýshysy qaıtys boldy», dep habarlady polısııa departamentiniń baspasóz qyzmeti.