Bul týraly QR Bas prokýrory Berik Asylov Májilistiń jalpy otyrysynda «Jańa Qazaqstan» depýtattyq tobynyń saýalyna bergen aýyzsha jaýabynda aıtty, dep habarlaıdy Egemen.kz.
«Memleket basshysy quqyq qorǵaý jáne arnaýly organdarǵa qańtar oqıǵasy sebepterin egjeı-tegjeıli tergep, tekserýdi tapsyrdy. Atalǵan faktiler boıynsha barlyǵy 3770 qylmystyq is qozǵaldy. Basym bóligi Ishki ister mınıstrliginiń óndirisinde. Olar: adam óltirý, urlyq, qaraqshylyq. buzaqylyq, qarý urlaý», dedi Bas prokrýor.
Onyń málimetinshe, sybaılas jemqorlyqqa qarsy qyzmet tergeýdiń zańsyz tásilderin qoldaý faktileri boıynsha 234 is júrgizýde.
«Ulttyq qaýipsizdik komıteti memleketke opasyzdyq jasaý, bılikti basyp alýǵa áreket etý jáne asa iri mólsherde para alý boıynsha 15 isti tergeýde. Bul ister boıynsha Ulttyq qaýpisizdik komıtetiniń burynǵy tóraǵasy Másimov jáne onyń úsh orynbasary sot sanksııasymen qamaýǵa alyndy. Osy, organnyń taǵy 2 basshysy, bılikti asyra paıdalaný kúdigimen, qylmystyq jaýapqa tartyldy», dedi Berik Asylov.