Qazaqstannyń bas sanıtarlyq dárigeri Aıjan Esmaǵambetova «QR halqy arasynda koronavırýstyq ınfeksııa aýrýlarynyń aldyn alý boıynsha sharalardy odan ári kúsheıtý týraly» jańa qaýlyǵa qol qoıdy, dep habarlaıdy Egemen.kz.
Qujatta memlekettik organdarǵa, ulttyq naýqandarǵa, bıznes-ortalyqtarǵa jáne basqa da keńselerge qoıylatyn talaptar belgilengen.
Qaýlyǵa sáıkes:
Kelýshiler úshin jumys oryndary men úı-jaılardy turaqty jeldetýdi júzege asyrý qajet; Obektiniń úı-jaılaryna maskasyz kirýge jol berilmeıdi. 5 jasqa deıingi balalardy qospaǵanda, kelýshilerdiń ǵımaratta mindetti túrde betperde kıip júrýi qamtamasyz etiledi; Kireberiste, holldarda, sanıtarııalyq toraptarda teri antıseptıgi bar sanıtaızerler ornatylady.Sondaı-aq, shekteý sharalaryn qatańdatý epıdemıologııalyq jaǵdaı 5 kún ishinde asqynǵan jaǵdaıda («jasyl» aımaqtan «saryǵa» nemese «sary» aımaqtan «qyzylǵa» kóshý) júrgiziletini atap ótildi.
Budan basqa, karantındik sharalardy jeńildetý «qyzyl» aımaqtan «sary» aımaqqa nemese «sary» aımaqtan «jasyl» aımaqqa kóshkennen keıin 5 kúnnen erte júrgizilmeıdi.
Qaýlynyń tolyq mátinimen myna silteme arqyly tanysýǵa bolady.