Saıası jańǵyrýdyń basty maqsaty azamattardyń memleketti basqarý isindegi rólin arttyrý. Prezıdent bul jumysty saılaý úderisi arqyly da júzege asyramyz dedi halyqqa joldaýynda, dep habarlaıdy Egemen.kz.
«Biz osydan 15 jyl buryn konstıtýsııalyq reforma aıasynda májilis depýtattaryn proporsıonaldy tásilmen saılaýǵa kóshtik. Al 2018 jyldan bastap máslıhat depýtattaryn da osy úlgimen saılaıtyn boldyq. Bul qadamdar elimizdegi partııalyq júıeni damytýǵa tyń serpin berdi.
Alaıda onyń jaǵymsyz tustary da baıqaldy. Partııada joq azamattar májiliske ǵana emes jergilikti ókildi organdarǵa da saılana almaıtyn boldy. Muny ashyq moıyndaýymyz qajet. Sonyń saldarynan halyqtyń saılaý naýqanyna qyzyǵýshylyǵy kúrt tómendedi», delindi Joldaýda.