Memleket basshysy «2014 jylǵy 12 qarashadaǵy Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimge ózgerister engizý týraly hattamany ratıfıkasııalaý týraly» Qazaqstan Respýblıkasynyń Zańyna qol qoıdy, dep habarlaıdy Egemen.kz Aqordaǵa silteme jasap.
Hattama odaqtyń ortaq elektr energetıkalyq naryǵyn qalyptastyrý, onyń jumys isteýi jáne ony damytý qaǵıdattaryn kózdeıdi:
Múshe memleketterdiń kez kelgenine teń quqyqtyq, ózara tıimdilik jáne ekonomıkalyq zalal keltirmeý Negizindegi yntymaqtastyq; Elektr energııasyn óndirýshiler men tutynýshylardyń ekonomıkalyq múddeleriniń teńgerimin saqtaý; Naryqtyq qatynastarǵa jáne adal básekelestikke negizdelgen tetikterdi basym paıdalaný; Elektr energetıkasy salasyndaǵy tabıǵı monopolııalar sýbektileriniń kórsetiletin qyzmetterine kedergisiz qol jetkizýdi qamtamasyz etý; múshe memleketterdiń qatar jumys isteıtin elektr energetıkalyq júıeleri negizinde odaqtyń ortaq elektr energetıkalyq naryǵyn kezeń-kezeńimen qalyptastyrý jáne damytý; Múshe memleketterdiń energetıkalyq qaýipsizdigin eskere otyryp, múshe memleketter sýbektileri arasynda elektr energııasynyń saýdasyn júzege asyrý.Shartqa qatysýshy elder odaqtyń ortaq elektr energetıkalyq naryǵynyń jumys isteý qaǵıdalaryn daıyndaý jáne kelisý boıynsha jumys júrgizedi.
Energetıka mınıstri túsindirgendeı, ortaq naryqty qalyptastyrý múshe memleketterdiń sharýashylyq júrgizýshi sýbektilerine jasalǵan sharttar sheńberinde ózara elektr energııasymen saýdany júzege asyrýǵa múmkindik beredi.
Sondaı-aq, elektr energııasyn naqty jetkizýdiń josparly mánderden saǵattyq aýytqýlaryn retteý úshin tetik qurý kózdeledi, bul kelisilgen kestelerdi saqtaý úshin jaýapkershilikti arttyrady.
Elektr energııasy naryǵyn qurýdyń áseri óndirýshi jáne berýshi qýattardy paıdalaný tıimdiligin arttyrýdan, elektr energııasynyń ózara jáne syrtqy saýdasy kóleminiń ósýinen kórinedi.
Osylaısha, energııa óndirýshi uıymdar arasynda básekelestik artady dep boljanýda.