Fýtzaldan Polshanyń Iаnakkala qalasynda ótip jatqan jastar arasyndaǵy (U-19) Eýropa birinshiliginiń irikteý týrnırin Qazaqstannyń ulttyq quramasy sátsiz bastady.
Tusaýkeser kezdesýinde jerlesterimiz Polsha fýtzalshylarymen sheberlik baıqasty. 7-mınýtta Vadım Býldın esep ashty. Biraq qýanyshymyz uzaqqa sozylmady. Kóp uzamaı Kasper Sendlevskı tarazy basyn teńestirdi. Úzilisten keıin alańdaǵy jaǵdaı kúrt ózgerdi. 27-mınýtta Rýslan Úrgenishbaev qapııada óz qaqpasyna gol soqsa, kózdi ashyp-jumǵansha Shımon Lıznerskı nysanany dál kózdedi. Oıynnyń aıaqtalýyna sanaýly mınýttar qalǵanda Býldın esep aıyrmashylyǵyn qysqartty. Alaıda odan árige bizdiń jigitterdiń áli jetpedi. Esep – 2:3.
Qalǵan kezdesýlerde bizge jeńis aýadaı qajet. О́ıtkeni osy tórttik komandanyń arasynan tek úzdik shyqqany ǵana irikteý týrnıriniń kelesi kezeńine ótedi.