AQSh-tyń Indıan-Ýells qalasynda ótip jatqan asa iri halyqaralyq týrnırdiń shırek fınalyna shyqqan tennısshiler birte-birte anyqtalýda.
Osynyń aldynda ǵana Belarýs oıynshysy Vıktorııa Azarenkodan aılasyn asyryp, jankúıerlerin qýantqan elimizdiń birinshi raketkasy Elena Rybakına bul joly da shabysynan jańylǵan joq. WTA reıtınginde 51-orynda turǵan shveısarııalyq Vıktorııa Golýbıchpen kúsh synasqan ol 7:6, 6:2 esebimen jeńiske jetti. Endi shırek fınalda Rybakına grekııalyq Marııa Sakkarımen sheberlik baıqasady. 26 jastaǵy Ejelgi Ellada eliniń ókili bul kúnderi álemdik reıtıngte altynshy orynda tur.
О́kinishke qaraı, Aleksandr Býblıktiń joly bolmady. Atalǵan týrnırdiń úshinshi aınalymynda ol álemniń 35-raketkasy bolgarııalyq Grıgor Dımıtrovtan 3:6, 4:6 esebimen utylyp qaldy.