2022 jylǵy 17 naýryzda Qazaqstan Fýtbol federasııasy Atqarýshy komıtetiniń otyrysy ótti, dep habarlaıdy Egemen.kz.
Otyrystyń kún tártibine aǵymdaǵy 2022 jylǵa arnalǵan fýtbol is-sharalarynyń erejelerin, reglamentterin jáne kúntizbelerin bekitý týraly máseleler engizildi.
Atqarýshy komıtet qaraǵan máseleler men qabyldaǵan sheshimderdiń biri - Bas hatshy etip Oljas Abraevty taǵaıyndaý boldy.
Bas hatshynyń ornyna kandıdatty tańdaý komandany basqarý, strategııalyq paıymdaý jáne oılaý, kóshbasshylyq qasıetter, jeke tıimdilik, halyqaralyq uıymdarmen jumys tájirıbesi sııaqty kásibı daǵdylar men quzyretterdi baǵalaý ólshemsharttaryna sáıkes aıqyndaldy.
Oljas Abraev 2018 jyldan bastap «Qazaqstan kásibı fýtbol lıgasy» assosıasııasyn basqarady. О́ziniń kóp jylǵy kásibı mansabynda qazaqstandyq fýtbol júıesinde ártúrli laýazymdardy atqardy.