«Qazgıdromet» RMK-sy naýryzdyń 23-i kúngi kún raıy boljamyn jarııalady, dep habarlaıdy Egemen.kz.
Kásiporyn taratqan derekterge qaraǵanda, belsendi soltústik-batys sıklony Qazaqstannyń basym bóligine jaýyn-shashyn ákeledi. Respýblıka boıynsha jel kúsheıip, soltústik pen shyǵysta burqasyn, ońtústikte tuman túsip, kóktaıǵaq bolady.
Aqmola oblysynyń basym bóliginde jeldiń kúshi sekýndyna 15-20 metrge jetip, soltústik-batysy men ońtústik-shyǵysynda ekpini 23-28 m/s bolady, túnde soltústik-batysy men shyǵysynda, kúndiz basym bóliginde burqasyn bolady. Soltústik Qazaqstan oblysynda jeldiń kúshi sekýndyna 15-20 metrge jetedi, kúndiz shyǵysynda ekpini 23-28 m/s bolady, soltústigi, batysy men shyǵysynda jaıaý burqasyn soǵady.
Túnde Pavlodar oblysynyń ońtústigi men batysynda, kúndiz basym bóliginde jeldiń jyldamdyǵy sekýndyna 15-20 metr, kúndiz ortalyǵynda ekpini 23-28 m/s-qa jetedi. Shyǵysy men soltústiginde jaıaý burqasyn soǵady.
Qaraǵandy oblysynyń soltústik jartysynda jeldiń jyldamdyǵy sekýndyna 15-20 metrge jetedi, ekpini 23 m/s bolady, soltústigi men shyǵysynda jaıaý burqasyn soǵady, ońtústiginde tuman túsedi.
Shyǵys Qazaqstan oblysynyń soltústik-batysy, batysy men soltústik-shyǵysynda jeldiń jyldamdyǵy sekýndyna 15-20 metr, ekpini 23 m/s bolady jáne jaıaý burqasyn soǵady.
Qostanaı oblysynyń túnde soltústigi men ońtústiginde, kúndiz basym bóliginde jel sekýndyna 15-20 metr jyldamdyqpen esedi, kúndiz ońtústiginde ekpini 23 m/s bolady, shyǵysy men ońtústiginde jaıaý burqasyn soǵady, batysynda tuman túsip, kóktaıǵaq bolady.
Almaty oblysynyń soltústigi, taýly, taý bókterli aýdandarynda tuman túsip, kóktaıǵaq bolady, ońtústigi men shyǵysynda jel sekýndyna 15-20 metr jyldamdyqpen soǵady, ekpini 23 m/s-ke deıin kúsheıýi yqtımal. Jambyl oblysynyń ońtústigi, soltústik-shyǵysy men taýly aýdandarynda tuman túsip, kóktaıǵaq bolady, jeldiń jyldamdyǵy sekýndyna 15-20 metrge jetedi, keı ýaqyttarda 25 m/s-ke deıin kúsheıýi yqtımal.
Túrkistan oblysynyń soltústigi men taýly aýdandyranda tuman túsip, taýly aýdarynda jeldiń jyldamdyǵy sekýndyna 15-20 metrge jetedi.
Aqtóbe oblysynyń soltústik-shyǵysynda jel 15-20 m/s jyldamdyqpen esedi, túnde jáne tańerteń ortalyǵy men ońtústiginde tuman túsedi.
Atyraý, Batys Qazaqstan oblystarynyń batysy men soltústiginde tuman, Atyraý oblysynyń batysy men soltústiginde kóktaıǵaq bolady.