Qara jáshikter de joq. Qutqarýshylar áýe kemesinde bolǵan 123 jolaýshy men 9 ekıpaj múshesiniń qujattary men kıimderiniń qaldyqtaryn ǵana tapqan, dep habarlaıdy Egemen.kz 24.kz-ke silteme jasap.
Bılik laıner qatty talqandalǵandyqtan apattyń sebebin anyqtaý qıynǵa soǵýy múmkin deıdi.
Eske salsaq, ótken dúısenbi kúni Qytaıdyń ońtústik batysyndaǵy Kýnmın qalasynan Gýanchjoýǵa bet alǵan «Shyǵys Qytaı áýe jelileri» kompanııasyna tıesili «Boıng 737» apatqa ushyraǵan bolatyn.
Áýe kemesi aldymen radardan joǵalyp ketip, artynan qutqarýshylar onyń synyqtaryn Tensıan ýezindegi taýly aımaqtan tapqan.
- Áýe dıspetcherleri ekıpajben birneshe ret habarlaspaq bolǵanymen jaýap ala almady. Artynan ushaqtyń Ýchjoý qalasynyń mańynda apatqa ushyraǵany belgili boldy. Qutqarýshylar aman qalǵan adamdar bolýy múmkin degen úmitpen apat aýdanyn qorshap izdestirý-qutqarý jumystaryn júrgizip jatyr. Bul Boıng-737 800 ushaǵyn Qytaıǵa 2015 alyp kelgen. Sodan beri 18 myńnan asa saǵat ushqan, - dedi Qytaı azamattyq avıasııasy basqarmasynyń ókili Chjý Tao.