Áıelder arasyndaǵy Qazaqstannyń birinshi raketkasy Elena Rybakına dúısenbi kúni jańarǵan WTA reıtınginde eki saty joǵarylap, álemniń eń úzdik 20 tennısshisiniń qataryna qaıta qosyldy.
О́tken aptada AQSh-tyń Indıan-Ýells qalasynda máresine jetken Masters týrnırinde otandasymyz jarystyń shırek fınalyna deıin jetti. Shırek fınalda Rybakına álemniń altynshy raketkasy grekııalyq Marıı Sakkarımen sheberlik baıqasyp, eki sette 5:7, 4:6 esebimen jeńilip qalǵan bolatyn. Osy nátıjesiniń arqasynda ol áıelder arasyndaǵy reıtıngte 18-orynǵa kóterilip aldy. Sonymen qatar Iýlııa Pýtınseva 47-shi, Zarına Dıas 112-oryndaryn saqtap qaldy. Erler arasyndaǵy Qazaqstannyń birinshi raketkasy Aleksandr Býblık óz nátıjesin bir orynǵa jaqsartty. Buǵan deıin 33-orynda turǵan ol 32-satyǵa kóterildi.
Aıta keteıik, bul kúnderi tennısshilerimiz AQSh-taǵy taǵy bir dástúrli Miami Open týrnırinde baq synap jatyr. Iý.Pýtınseva alǵashqy aınalymda germanııalyq Nastasıa-Marıana Shýnkten basym tússe, M.Kýkýshkın negizgi kezeńge joldama aldy. Al E.Rybakına bul jarysty ekinshi kezeńnen bastaıdy.