Qazaqstan Halyq partııasynyń XIX kezekten tys sezinde partııa basshylyǵynyń quramy ózgerdi. Ermuhamet Ertisbaev QHP tóraǵasy bolyp saılandy, dep habarlaıdy Egemen.kz QHP baspasóz qyzmetine silteme jasap.
QHP parlamenttik fraksııasynyń burynǵy basshysy, Májilis depýtaty Aıqyn Qońyrov tóraǵanyń birinshi orynbasary bolyp taǵaıyndaldy.
Ermuhamet Ertisbaev partııa múshelerine senim bildirgenderi úshin alǵys aıtyp, senimdi tolyq aqtaý úshin kúsh-qýatyn, bilimin jáne saıası tájirıbesin jumsaýǵa ýáde berdi.
«Qazaqstan Halyq partııasy – solshyl-ortalyq partııa. Men úshin bul – óte mańyzdy. Men ómir boıy sosıalıst boldym», dedi ol.
Jańa tóraǵa qazirgi tańda qazaqstandyqtardyń QHP-ǵa degen senimi aıtarlyqtaı artyp kele jatqanyn atap ótti.
«Halyq partııasy degen ataýdyń ózi ýaqyt óte kele onyń máslıhattarda, Májiliste, Senatta ústemdik etý kerektigin meńzeıdi», dedi Ermuhamet Ertisbaev.