Qazaqstanda koronavırýstyq ınfeksııa boıynsha epıdemıologııalyq jaǵdaıdaıdyń turaqtanǵany baıqaldy. Bul rette Qaraǵandy oblysy bas dárigeriniń orynbasary jańa qaýlyǵa qol qoıdy, dep habarlaıdy Egemen.kz.
Jańa qaýlyǵa sáıkes, medısınalyq uıymdardy qospaǵanda, úı-jaılarda, qoǵamdyq oryndarda mindetti túrde maska kııý rejımin alyp tastaý týraly sheshim qabyldandy. Dese de, halyq kóp jınalatyn oryndarda, qoǵamdyq jáne áýe kólikterinde, uıymdasqan ujymdarda medısınalyq maskalardy paıdalanýdyń usynymdyq sıpaty saqtaldy.
Budan basqa, «Komırnatı» (Pfizer) vaksınasııalaýǵa jatatyn adamdardyń kontıngenti keńeıtildi, ol kelesi sanattarmen tolyqtyrylady:
Osy vaksınamen aldyn ala vaksınasııalaýdy alǵysy keletin, bastapqy vaksınasııalaýdy alatyn adamdar; Túrli sebepter boıynsha shetelge shyǵý úshin qaıta vaksınasııalaýdy qajet etetin adamdar; Vaksınasııalaý kýrsyn aıaqtaǵan, osy vaksınamen aldyn ala vaksınasııalaýdy bastaǵysy keletin adamdar; COVID-19-ǵa qarsy revaksınasııa alatyn halyqtyń barlyq toptary.Barlyq menshik nysanyndaǵy jáne vedomstvolyq baǵynystaǵy bilim berý uıymdarynda:
Oqytýdyń kabınettik júıesin saqtaýǵa qoıylatyn talaptar alynyp tastaldy; Maska rejımin mindetti túrde saqtaý.Betperde rejımin saqtaý bilim berý uıymdary ákimshiliginiń sheshimi boıynsha erikti túrde júzege asyrylýy múmkin.
Qaýly qol qoıylǵan sátten bastap kúshine enedi.