IBF jáne IBO tujyrymdary boıynsha orta salmaq dárejesinde baq synap júrgen qazaqstandyq kásipqoı boksshy Gennadıı Golovkın meksıkalyq boksshy Saýl Alvarespen ótkizgen eki jekpe-jegi týraly pikir bildirdi, dep habarlaıdy Egemen.kz.
«Saýl Alvareske qarsy ótkizgen alǵashqy eki shaıqastyń nátıjesine bas aýyrtpaımyn. Atalǵan jekpe-jekterdiń nátıjesi meni tolǵandyrmaıdy. О́ıtkeni men ótken shaqty emes, bolashaqty oılaımyn. «Kaneloǵa» qarsy úshinshi jekpe-jek ótse, men ol shaıqasqa basqasha oımen daıyndalamyn. Qandaı da bir qatelikterdi túzeý týraly oılamaımyn. Men kásipqoı boks áleminde bireýge birdeńeni dáleldeý úshin júrgen joqpyn. Eń bastysy jarqyn mánerde jeńiske jetýge tyrysamyn. Men ózimdi óte jaqsy sezingendikten kásibı mansabymdy jalǵastyryp kelemin», dedi Gennadıı Golovkın DAZN-ǵa bergen suhbatynda.