Almaty oblysynyń qutqarýshylary oblys turǵyndaryn qar basqan betkeılerge shyqpaýǵa shaqyrdy, dep habarlaıdy Egemen.kz.
Vedomstvonyń málimetinshe, Almaty oblysynyń taýly aımaqtarynda 1-4 sáýir aralyǵynda qar kóshkini júrý qaýpi bar.
«Tótenshe jaǵdaılar departamenti azamattardy, týrısterdi jáne demalýshylardy qar kóshkininiń bolýyna baılanysty qar basqan betkeılerge shyqpaýǵa, sondaı-aq taýly aımaqtarda barlyq qaýipsizdik sharalary men tártipti saqtaýǵa shaqyrady.
Almaty oblysynyń aýmaǵynda 109 kóshkin qaýpi bar ýchaskeler bar, olar Eńbekshiqazaq, Talǵar, Qarasaı, Sarqan jáne Eskeldi aýdandarynda, sondaı-aq Tekeli qalasynda, Ile - Alataý jotasynyń ońtústik betkeıinde jáne Jetisý Alataýynyń soltústik jotasynda ornalasqan», dep habarlady TJD.