Almaty qalasynyń ákimi Erbolat Dosaevtyń ókimimen qalanyń Energotıimdilik jáne ınfraqurylymdyq damý basqarmasynyń basshysy bolyp Sanjar Alın taǵaıyndaldy, dep habarlaıdy Egemen.kz.
Sanjar Alın 1984 jyly 30 tamyzda Almaty qalasynda týǵan. 2007 jyly halyqaralyq marketıng mamandyǵy boıynsha «Regents Business College» bitirip, 2009 jyly «The University of Winchestetr» iskerlik ákimshilik magıstri dárejesin alǵan, 2015 jyly D.A. Qonaev atyndaǵy kólik jáne quqyq gýmanıtarlyq ýnıversıtetin bitirgen.
Túrli jyldary jeke qurylymdarda basshylyq qyzmetter atqarǵan. Satý jáne marketıng, qarjy qurylymdary, qurylys, energetıka jáne kvazımemlekettik sektor salalarynda, sondaı-aq memlekettik qyzmette jumys tájirıbesi bar.
Eńbek jolyn «Qazaqstan telekommýnıkasııalary» JAQ-da («Katelko Plıýs») klıenttermen jumys jónindegi menedjer, tehnıkalyq keńesshi laýazymynan bastaǵan.
2019-2020 jyldar aralyǵynda Almaty qalasy Energotıimdilik jáne ınfraqurylymdyq damý basqarmasynyń energııa tıimdiligi jáne energııa únemdeýdi arttyrý bóliminiń basshysy qyzmetin atqardy.