Qazaqstanda 95 myń otbasy ataýly áleýmettik kómek alady. Bul týraly QR Premer-Mınıstriniń orynbasary Eraly Toǵjanov Májilistiń jalpy otyrysynda aıtty, dep habarlaıdy Egemen.kz.
«Áleýmettik saladaǵy ózekti máselelerdiń biri az qamtylǵan otbasylardy qoldaý. Biz eń tómengi kúnkóris deńgeıi kedeılik sheginen tómen otbasylarǵa ataýly áleýmettik kómek kórsetemiz. Búginde mundaı kómekti 95 myń otbasy alyp otyr», dedi Eraly Toǵjanov.
2020 jyly azamattardyń tilekterin eskere otyryp, ataýly kómek taǵaıyndaý tetigi ózgertilip, kirister men áleýmettik tólemderdiń 25 túri alynyp tastalǵany da aıtyldy. Kómek alýshylardy eńbekke yntalandyrý tásilderi engizildi. Eger eńbekke qabiletti azamattar usynylǵan jumystan bas tartsa, ataýly kómek 6 aıǵa toqtatylady.
«Bul ataýly áleýmettik kómekti masyldyq kómekke aınaldyrýdyń aldyn alýǵa baǵyttalǵan. Sondyqtan ataýly áleýmettik kómekti basqa járdemaqymen salystyrýǵa bolmaıdy. Ataýly kómek jan-jaqty tekserýmen, tabysy kedeılik sheginen tómen otbasylarǵa ǵana taǵaıyndalatyn memlekettik qoldaý», dep tolyqtyrdy Eraly Toǵjanov.