Qańtar oqıǵasy kezinde qarý-jaraq dúkenine túsken 41 jastaǵy Almaty oblysynyń turǵyny úsh jylǵa sottaldy, dep habarlaıdy Egemen.kz.
2022 jyly 5 qańtar kúni keshke Almaty oblysy Gúldala aýylynyń 41 jastaǵy turǵyny Almaty qalasyndaǵy qarý-jaraq dúkeninen quny 724 359 teńge turatyn Infiray Tube optıkalyq kózildirikti, 14 188 teńge turatyn Bushnell teplovızoryn, 16 000 tenge turatyn tórt ofıserlik belbeýdi urlap ketken. Sot bul áreketterdi QR Qylmystyq kodeksiniń 188 bap 3-bóligi, 3-tarmaǵy boıynsha saralady.
Sot barysynda aıyptalýshy óz kinásin tolyǵymen moıyndap, jasaǵan áreketine ókinish bildirdi. Keltirilgen zalal óndirildi. Atalmysh bap boıynsha jaza eki jyldan jeti jylǵa deıingi merzimge bas bostandyǵyn shekteýdi nemese sol merzimge bas bostandyǵynan aıyrýdy kózdese, onda kinásin moıyndaýdy, ókinýdi, jábirlenýshilerge keltirilgen zııandy erikti túrde óteýin eskere otyryp, sot úsh jyl merzimge deıin bas bostandyǵynan aıyrdy», dep málimdedi Almaty qalalyq sotynyń baspasóz qyzmeti.
Sottalǵan azamat pen onyń qorǵaýshysy úkimimen kelise otyryp, oǵan shaǵymdanbaý týraly sheshim qabyldady.
Úkim zańdy kúshine endi.