Astanadaǵy saýda ortalyqtarynyń birinen maınıngke arnalǵan 4 qurylǵy tabyldy, dep habarlaıdy Egemen.kz Nur-Sultan qalalyq PD baspasóz qyzmetine silteme jasap.
Maınıngke arnalǵan qurylǵylar saýda ortalyǵynyń parkınginen tabylady. Olardy ortalyqtyń jeldetý qubyryndaǵy kabeldik jelilerdi tekserip júrgen ınjeneri baıqap, basshylaryna habarlaǵan.
Tekserý barysynda polıseıler jeldetý qubyrynyń ústinen qosýly turǵan 4 qurylǵyny anyqtaıdy. Atalǵan fakti boıynsha materıal ekonomıkalyq tergeý departamentine jiberildi.
Aıta keteıik, Prezıdent tapsyrmasynan keıin elde 51 maınıng fermanyń zańsyz qyzmetine tosqaýyl qoıylyp, 55 ferma jumysyn ózdiginen toqtatqan-dy.
Jýyrda QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın «Astana hub» tehnoparkine tirkelý arqyly jeńildikter alǵan maınıng fermalar týraly pikir bildirdi.
Sondaı-aq, aldaǵy aıda maınıng salyǵyn kóbeıtýdi kózdeıtin zań jobasy daıyn bolmaq.