11 sáýirden bastap Qazaqstan Qyrǵyzstanmen, О́zbekstanmen jáne Reseımen aradaǵy qurlyq shekarasy boıynsha shekteýlerdi alyp tastaıdy, dep habarlaıdy Egemen.kz.
Qazaqstan Respýblıkasynyń aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııa bul týraly sheshimdi 6 sáýirde qabyldady.
Sondaı-aq, Qazaqstannyń memlekettik shekarasyn áýeqatynasy arqyly kesip ótýge belgilengen barlyq shekteýler alynady.
«Biraq este saqtaý kerek! PTR ádisimen COVID-19 zertteýiniń teris nátıjesi bar anyqtamany nemese qazaqstandyqtar men Qazaqstan Respýblıkasy aýmaǵynda turýǵa yqtııarhaty bar shetel azamattary, vaksınasııa pasporttaryn ózara tanýy bar bolǵan kezde shetel azamattary vaksınalaý, revaksınalaýdyń tolyq kýrsynan ótkendigin rastaıtyn qujat/tólqujatty mindetti túrde usyný jónindegi talap saqtalady», dep jazdy COVID-19 taralýyna jol bermeý jónindegi VAK.