Qazaqstandyq boksshy Gennadıı Golovkınniń (42-1-1, 37 KO) jeńisinen keıin onyń reıtıngtegi ornyn jańartty, dep habarlaıdy Egemen.kz Sports.kz-ke silteme jasap.
Endi Golovkın BoxRec reıtıngisinde barlyq boksshy arasynda salmaq dárejesine qaramastan (pound-for-pound) birinshi orynǵa jaıǵasty - onyń baly 698.6.
Ekinshi orynda – meksıkalyq Saýl "Kanelo" Alvares (57-1-2, 39 KO), onyń qazirgi ýaqyttaǵy reıtıngi - 687.4 ball.
Álemniń úzdik boksshylarynyń úshtigine amerıkalyq Terens Kroýford (38-0, 29 KO) kirdi - 524.0 ball.
Eske salsaq, Gennadıı Golovkın 9 sáýirde Japonııada ótken jekpe-jekte Rıota Mýratany tehnıkalyq nokaýtpen jeńdi. Endi ol WBA Super, IBF jáne IBO belbeýleriniń ıegeri.