Qazaqstanda 15 sáýirden bastap astyq pen un eksportyna shekteý qoıylady. Bul týraly QR Aýyl sharýashylyǵy birinshi vıse-mınıstri Aıdarbek Saparov málimdedi, dep habarlaıdy Egemen.kz.
AShM birinshi vıse-mınıstri Qazaqstan jyl saıyn shamamen 3 mln tonna un óndiretinin, biraq bul kólemniń jartysy eksportqa jiberiletinin atap ótti.
«Ishki naryqta tapshylyqtyń týyndaýyn jáne un tartý kásiporyndarynyń júktelýin boldyrmaý maqsatynda vedomstvoaralyq komıssııa 2022 jylǵy 1 sáýirden bastap 15 sáýir men 15 maýsym aralyǵynda bıdaı men un eksportyna kvotalaýdy engizý týraly sheshim qabyldady», dedi Aıdarbek Saparov.